منتدى الاستاذ....ابو فارس لا للتوصيات بالبيع او الشراء

كتير اوى مش بقلب الشاى كويس ، واجى اشربه الاقيه مش مسكر ومش مظبوط ، وبكسل اجيب سكر تانى

فبضطر اشربه كده .. اللى بيضايقنى بقى انى بعد ما اخلص شرب الشاى بلاقى السكر مركون تحت

يعنى لو كنت قلبت شوية كان زمانى شربت شاى مظبوط ..

تعالى كده نفصص المشكلة دى

اول حاجة المشكلة ايه :

( انى ما عرفتش اشرب شاى مظبوط )

طيب وايه السبب ؟!

( 1 ) انى ما قلبتش الشاى كويس وانا بعمله ..

(( يعنى استهترت وانا بعمل الحاجة ))

(2) انى كسلت اجيب سكر تانى

(( يعنى اتكاسلت عن حل المشكلة رغم انها فى ايدى ))

طيب والنتيجة ايه (( نتيجة المشكلة والاسباب اللى ادت ليها ))

- النتيجة انى ما استمتعتش بالشاى ..

- وانى ضيعت مجهودى وما وصلتش للنتيجة اللى عايزاها
_____________________________

عارفين ان كلنا بنعمل الحركة دى بطرق مختلفة ؟؟

كتيييييييييييييييييير اوى بنستهتر واحنا بنعمل شغلنا ..
وكتيييييييييييييييييير اوى بنكسل نحل المشاكل رغم ان حلها فى ايدينا

وبعد دا كله نندم وندور على حلول صعبة ومتعبة رغم ان الحل اصلا فى ايدينا وجوا الكوباية

علشان كده علشان خااااااااااااااااااطرى اضغط على نفسك وابقى قلب كويس

قلب كويس واعمل كل حاجة كويس

حتى لو تعبت فى الاول بس صدقنى النتيجة هتفرق كتير

معاكى فى كل كلمة انتى بتقولى عليها حتى الايمان تلاقى الشيخ على المنبر ينادى على الناس ويحكى عن الدين وتقريبا كتير جدا جدا من الناس عارف وفاهم دينة كويس بس مش بيعمل بية
زى ما انتى بتقولى صح كوباية الشاى
الدين جوانا عامل زى كوباية الشاى فى القاع بتعها السكر محتاج اننا ندوبة علشان نحس بطعم الايمان ومش محتاج منا كتير حركة صغيرة بس نلف معلقة السكر فى الشاى وتدور العجلة

انا معاكى وكملى
ابو فارس الاستاذ